Со индекс 66 Македонија во годинешниот извештај на "Економик фридом репорт" се најде на 55. место од рангирани 179 економии на земји во светот, а мерени се 10 економски слободи (бизнис, трговија, фискална слобода, владини трошења, монетарна слобода, инвестиции, финансиска слобода, сопственост, корупција и право). Ова претставува скок од 9 места на ранг-листата во однос на лани. Според овој извештај вкупната оценка за македонската економија е повисока за 0,3 поени, а како последица од подобрувањата во монетарната слобода и за корупција. Македонија е рангирана на 23 место од 43 земји во Европа и нејзината вкупна оценка е над светскиот просек. Ги има преземено сите значајни реформи во економијата во текот на изминатите неколку години, има инспиративен економски раст и развој на просперитетен претприемачки сектор. Конкурентните рамни даночни стапки и растечкиот финансиски сектор, кој овозможува кредити според пазарните услови, придонесоа за динамизирање на приватниот сектор што ја направи Македонија поотворена во надворешно-трговската размена и инветиторите.
Со индекс 66 Македонија во годинешниот извештај на "Економик фридом репорт" се најде на 55. место од рангирани 179 економии на земји во светот, а мерени се 10 економски слободи (бизнис, трговија, фискална слобода, владини трошења, монетарна слобода, инвестиции, финансиска слобода, сопственост, корупција и право). Ова претставува скок од 9 места на ранг-листата во однос на лани.
Според овој извештај вкупната оценка за македонската економија е повисока за 0,3 поени, а како последица од подобрувањата во монетарната слобода и за корупција.
- Македонија е рангирана на 23 место од 43 земји во Европа и нејзината вкупна оценка е над светскиот просек. Ги има преземено сите значајни реформи во економијата во текот на изминатите неколку години, има инспиративен економски раст и развој на просперитетен претприемачки сектор. Конкурентните рамни даночни стапки и растечкиот финансиски сектор, кој овозможува кредити според пазарните услови, придонесоа за динамизирање на приватниот сектор што ја направи Македонија поотворена во надворешно-трговската размена и инветиторите - стои во извештајот.
Во извештајот на "Економик фридом репорт" забележуваат дека во земјава, сепак, постојат бавни структурни ограничувања за поенергичен развој на приватниот сектор.
- Значителното ниво на корупција и недоволните сопственички права се сопирачка за иновативни бизнис-активности. И релативно високиот степен на владино трошење од 34,5 проценти од БДП во последнава година во обид на поттикнување на приватниот сектор ја намалува динамиката на долгорочен економски раст - се вели во извештајот.
Од "Економик фридом репорт" истакнуваат дека целокупната слобода во земјава за воспоставување и водење бизнис е подобрена, но темпото на реформи е забавено. Пазарот на капитал е недоволно развиен и тој не може да обезбеди целосна палета на кредити за бизнисот, но затоа пак, активноста на Македонската берза на хартии од вредност расте.
- Македонија не е сериозно погодена од глобалната финансиска криза - стои во извештајот.
Од "Економик фридом репорт" забележуваат дека заштитата на правата од сопственост е слаба, а корупцијата е значителна. Прописите за работните односи се флексибилни.
- По неколку години на хронична висока невработеност, Македонија ги продолжи реформите на пазарот на труд кои вклучуваат користење на договори со фиксен рок и олеснување на ограничувањата на работното време - заклучуваат од "Економик фридом репорт".
Инаку, со највисок вкупен индекс на економски слободи е Хонг Конг - 89,7, на второ место е Сингапур, на трето Австралија, па Нов Зеланд, Швајцарија... Од балканските земји Македонија е најдобро пласирана на оваа ранг-листа. По нас е Бугарија на 60. место, Романија на 63., Словенија на 66., Албанија на 70., Црна Гора на 76., Хрватска на 82., Грција на 88., Србија на 101., и Босна и Херцеговина на 104. место.